Ko kun san muhimmancin yawan yin jima'i ga lafiyar ɗan adam?

Ko kun san muhimmancin yawan yin jima'i ga lafiyar ɗan adam?

ASALIN RUBUTUN DAGA BBCHAUSA

Ana bayyana sinadarin Oxytocin, da "sinadarin jiki na karin danƙon soyayya"

Shi ne sinadarin jiki da muke fitarwa idan muna tare da mutane da muka aminta da su, ko muke so.

Yana ɗaya daga cikin amfanin da sinadarin jiki na Hormones da ke samuwa a tsakanin iyali a lokacin jima'i.

Akwai hujjoji da aka sanar kawo yanzu da ke nuni da amfani na zahiri da na tunani a lokacin jima'i.

Kowane mutum na da irin nasa buƙata da tsarinsa. Za mu bayar da amfanin da dan adam zai iya samu lokacin jima'i, idan ana yawan yi a kai a kai.

~ Magance matsalar rashin barci:

A lokacin saduwa, ƙwaƙwalwa na samar da wani sinadrin na endorphins, wato wani sinadari da ke samuwa a lokacin farin ciki ko jin daɗi, ko biyan buƙata.

Hakan dai na da alaka da shiɗewa da ake samu, kafin ko bayan inzali da hutu da samun nutsuwa bayan inzali

Duk da cewar yana sa mu jin dadi, ba za iya cewar jima'i na zama maganin damuwa ba.

Eh! zai iya samar da nishaɗi, da ke ƙara jin daɗi a tsakaninmu, amma cututtukan da suka shafi ƙwaƙwalwa na bukatar zurfafen kulawar likitoci.

Amma za mu iya cewa jima'i na sanya mutum bacci cikin sauƙi. Sai dai hakan na da kyau ga waɗanda ke fama da lalurar rashin bacci, da ake masa kallo da alamu na matsalar rashin lafiyar da ta shafi ƙwaƙwalwa.

~ Rage gajiya:

Gajiya wadda tasirinta ya bambanta daga wani zuwa wani, wadda tana iya ƙaruwa ko ta ragu, inda hakan ke da alaka da buƙatu ko yayin ayyukan da mutum yake yi a rana. Hakan kuma na shafar sha'awarmu ta yin jima'i.

Idan muka jima a cikin shauƙi, shaawarmu na bukatar jima'i na raguwa, wanda hakan na haifar da rashin gamsuwa.

Yanayin barin sinadarin jiki na coristol ya hau na tsawon lokaci, da ke da matukar mahimmanci gare mu, wanda zai haifar da koma baya wajen jure buƙatunmu na yau da kullum.

A nan, hakan na nufin cewar, duk da jima'i na rage damuwa, jima'i na taimaka mana rage gajiyar da hakan ya haifar.

Wani abun sha'awa kan wannan batu shi ne, ma'aurata na jin daɗin saduwa da juna, idan suka gaji tikis.

Su ne kuma suka fi kowa amfana da tasirin jima'in.

~ Inganta garkuwar jiki:

Yin jima'i a kai-akai na ƙarfafa halittun da ke ba mu kariya a jikinmu daga cututuka.

Akwai bincike masu yawa da suke mawaharar cewar, saduwa sau uku a wata na taimakawa wajen kariya daga kamuwa da cutar korona.

Wannan bincike, shi ma na taimakawa wajen magance cuttkan da ake samu a lokacin jima'i.

Alfanun hakan ga sinadaran da ke yi wa jiki garkuwa, bai takaita da shekaru, ko a lokacin saduwa, kenan hakan na nufin kowa zai iya samun biyan bukata a lokaci daban-daban na rayuwarsa.

A taƙaice, hujjoji sun nuna cewar a lokacin da saduwa ke karuwa, garkuwar jikinmu na ƙara yaƙar dukkan wata barazanar rashin lafiya da ke mana barazana gare mu.

~ Rage hawan jini da ciwo:

Yin jima'i a kai-akai na taimakawa wajen daidaita bugun zuciya da lafiyar zuciyar.

Bincike ya nuna yawan jima'i akai-akai tsakanin ma'aurata na rage hadarin kamuwa da hawan jini, musamman a daidai lokacin da ma'auratan ke matakin gamsuwa da kuma bayan hakan.

Idan matasa ko wadanda ke kan ganiyar kuruciya, suna yin jima'i akan kari misali kamar sau shida lokaci zuwa lokaci hakan na kara musu kuzari.

Wani bincike na baya-bayan nan, ya nuna cewar saduwa a tsakanin masu shekaru na rage musu matsalar bugun zuciya, amma sai dai yana da tasiri mai kyau, wajen rage wasu hadura da hakan ke tafe da shi. Yana kuma warkar da zafin bugun zuciya.

~ Karfin dangantaka da shaƙuwa:

Jima'i na da matuƙar mahimmanci wajen ƙarafawa danƙon soyayya a tsakanin ma'aurata.

A lokacin saduwa, sinadarin oxyticin da ke taka rawa wajen ƙarfafa dankon alaƙa. Shi dai wannan sinadari na samuwa a lokacin da uwa ke shayar da jaririnta.

Sinadarin Oxytocin, na taimakawa wajen daidaita shaƙuwa, kuma daya ne daga cikin abun da ke karfafa zamnatakewa.

Haka kuma yana taimakawa wajen saurin tsorata, damuwa, da yanayin gajiya; yana samuwa ne a lokacin da aka kusanci juna, a lokacin rungumar juna, ko wasa, ko sumbata.

Hakan na nuni da cewar jima'i bai tsaya da ɓangaren al'aura kaɗai ba, sai dai hanya ce ta samar da daidaito da ke haifar da shaƙuwa.

Duk da cewar inzali shi ne ginshiƙin saduwa ko jima'i, bai kamata alaƙar jima'i ta zama dogaro da wannan sakamakon ba, ko ta gaza cika ba idan har ba a yi nasarar inzali ba.

A taƙaice, jima'i na da alfanu mai yawa. Domin a samu jin daɗi da annashuwa, akwai bukata a bayar da fifiko wajen abin da mutanen da ake jima'in da su ke da buƙata.

Matsa lamba, ko yawaita yin sa, na haifar da gundura. Sirrin shi ne a gano abin da ɗaya ɓangaren yake so, da zai haifar da shakuwa da ƙarfafa alaƙa.