MENENE BASUR?
Da farko dai a cikin duburar 'dan Adam akwai jijiyoyin jini wadanda wani lokacin suna samun matsatsi da talala mai takurasu. A lokacinda suka samu takurawa da yawa, sai su kumbura.
Kumburin wadannan jijiyoyin jini da kara matsi da takura a garesu cikin dubura shi ya ke sa wa kaga wani tsiro ya fito maka a bakin dubura, wanda jijiyar jini ce.
Za ka ji ciwo, ko kai-kayi koma zubar jini.
Wannan shi ake cewa BASIR-MAI-TSIRO. Da akwai kuma nau'in Basur mai sanya yawan fitar hutu wato tusa da kuma mai sa cushewar ciki ko yin kashi mai tauri. Wani basir din kuma har yana sa tsatstsagewar dubura yayin fitar bayan gida.
ALAMUN DA MUTUM ZAI GANE YANA DAUKE DA BASUR
.
Mutum zai rika fama da wadannan matsaloli
★Kaikayi a dubura da bacin rai.
★Fitar jini idan ana bayan gida amma ba tare da anji zafi ba.
★Ciwon jiki da rashin sakewa.
★Kumburar dubura.
★Fitar kashi curi-curi ko dunkule-dunkule tare da wahala.
.
.
RIGA-KAFI YA FI MAGANI
.
Wanda yake gudun kamuwa da cutar Basur sai ya yawaita shan dauri da daci, kamar gauta da sassaqen mangwaro ko sassaqen 6aure ko madaci, ko mur da makamantansu. Saidai a kula, kada a matsawa shan daci saboda matsalolin hanta.
MAGANIN BASUR KOWANNE IRI
Idan an riga an kamu da ciwon basur kuma sai a gwada daya daga cikin wadannan hanyoyi:-
.
★ A samu lemon-tsami guda uku, tsohuwar-tsamiya guda uku, jan-gauta guda uku, barkono guda biyar, sabulun sha kamar girman lemon tsami.
In aka tashi sai a hade su wajedaya, a jika, su kwana. Kullum sai a tsiyayi rabin kofi a sha da safe kafin a ci abinci. Ana diba ana kara ruwa, har sai ya salamce sannan a zubar.
Wannan magani ne na Basur sosai. Indai ka hada shi zai warke, ka rabu da shi da iznin Allah.
.
.
★ A samu madacin qasa daidai misali, a wanke shi, a zuba a cikin tukunya. A zuba ruwa da jar kanwa kadan, a dora akan wuta.
Idan ya huce, sai a dinga shan rabin kofi kullum sau uku. Da safe rabin kofi, da rana rabin kofi da daddare ma rabin kofi.
A dinga sha kullum ana kara ruwa har ya salamce. A cigaba da hadawa har sai an warke sarai.
.
★ A samu sassaqen itacen mangwaro, da sassaqen kadanya, da sassaqen dorawa, da sassaqen madaci amma madacin kadan ake bukata.
Sai a hade su wajedaya a wanke a zuba jar kanwa kadan.
A tafasa, kullum a sha rabin kofi sau uku kafin a ci abinci.
Idan kuma basur din mai tsiro ne ko wanda ake fitar baya, to idan an tashi sai a tafasa magungunan a zuba ruwan a cikin babban mazubi. Sai ka tsuguna, tururin ya dinga shiga karkashinka, idan ya dan huce kuma sai a shiga ciki a zauna tsawon yan mintuna ko kuma a dinga kama ruwa da shi.
Insha Allahu indai an hada wannan ana sha ana shiga ciki, to lokaci kadan za a rabu da basur kowane iri ne.
.
★A samu 6awon dorawa, a hada da jar kanwa a tafasa. Sai a dinga tsugunawa yadda tururin zai dinga shiga cikinka sosai, idan ya dan huce sai a shiga ciki a zauna ko a dinga kama ruwa da shi. Sannan a dinga tsiyaya ana sha. Shi ma hanya ce ingantacciya ta maganin basur.
.
.
★ A samu man habbatussaudaa da man tafarnuwa da man zaitun. Sai a hada su waje daya. Sai ka samu auduga mai kyau ka dangwali wannan man kay matsi da shi a karkashinka, musamman in za ka kwanta da daddare. Kullum ka dinga yin haka sau daya. Wannan yana saurin kashe basur mai tsiro da maganin tsatstsagewar dubura.
.
.
★A samu garin sanamakiy da zuma. Sai a tafasa garin rabin cokali, a sa zuma daidai gwargwado. Sai a sha kullum sau daya.
Yana maganin kashin jini, da taurin bayan gida, yana fitar da dattin cikin cikin kankanin lokaci. Saidai wannan banda mace mai ciki, banda yara kanana.
.
.
★A samu `ya`yan raidore da kumfar maliya da garin bagaruwa, sai a hada su waje daya a tafasa. Sai ya tsuguna tururin ya dinga shiga jikinsa, idan ya dan huce sai ya zauna a ciki ko kuma ya dinga kama ruwa da shi. Wannan yana kone tsuron basur yana maganin tsatstsagewar dubura kuma yanay wa mata maganin sanyi wato infection.
0 Comments