Gyaran Amarya Kafin Lokacin Aure:
Iyayanmu mata ya kamata musan cewa duk lokaci da za’a yi auren ‘yarmu ya kamata ki san cewa akwai wasu abubuwa da za mu gyara jikin ‘yarmu ba wai haka za ki dauki ‘yarki ki mikata gidan miji ba babu gyara babu komai ko budurwa ce ita ma aka fi so a gyara.
Nana Aisha Allah ya karamata yarda take cewa lokacin da na kusa tarewa a kai ni gidan mazon Allah (S A W), kun san lokacin da aka yi aurenta tana karama lokacin da za ta tare ba ta da jiki ba ta da kiba tana siririya, sai ga Nana Aisha ta ce ana hada abubuwa guda biyu ana bata tana amfani da su kuma cikin yardar Allah kafin a kaita sai da ta yi bulbul ta yi kyau kuma ta yi haske.
Wadannan abubuwan guda biyu ya kamata muma iyaye mu yi wa ‘ya’yanmu amfani da su kafin mu kai su gidan miji
Na farko akwai kokumba, sannan akwai danyan dabino.
Yadda ake amfani da su shi ne:
Za ki samu kokumba kamar guda daya sai ki raba ta uku, ki dauki daya daga ciki sai ki wanke ta ki yayyankata, da safe, bayan amarya ta gama cin abinci sai ki bata ta ci tare da danyen dabino, idan da hali za ki iya bata sau biyu a rana kamar safe da dare, ita kokumbar nan idan kika raba ta uku kin ga ta yini daya ce da ta washegari da safe, dabino shi kuma kamar biyu ma ya isa idan ta ci kashi dayan kokumba sai ta ci danyen dabino biyu haka za tai ta yi.
Ana fara ba wa amarya wadannan danyan kayan kamar wata daya kafin lokacin aure.
0 Comments